Tokioda metro stansiyası yaxınlığında baş verən partlayış nəticəsində 10 nəfər xəsarət alıb

Tokionun Edoqava ərazisində baş verən partlayış nəticəsində 10 nəfər xəsarət alıb. Onlar arasında 20-70 yaş arasında olan işçilər və yerli sakinlər var.

Operativ Media xəbər verir ki, bu barədə Kyodo xəbər agentliyi məlumat yayıb.

Bildirilib ki, insident mayın 27-də səhər saatlarında Tokio metrosunun Kasai stansiyası yaxınlığındakı yaşayış massivində baş verib.

Yanğının söndürülməsinə 30-dan çox yanğınsöndürən maşın cəlb olunub və təxminən 90 dəqiqə ərzində nəzarət altına alınıb.