Fransanın Avropa və Xarici İşlər naziri Jan-Noel Barro Azərbaycan Prezidenti İlham Əliyevin əfv fərmanını yüksək qiymətləndirib.
Operativ Media xəbər verir ki, Nazir bu barədə X hesabında paylaşım edib.
O, bildirib ki, 422 günlük həbsdən sonra Théo Clerc-in azadlığa buraxılması və Fransaya qayıtması böyük bir rahatlıqdır.
“Onun azadlığa buraxılması üçün yorulmadan çalışan Fransa diplomatiyasının və əməkdaşlarının bu işdə göstərdiyi səylər qürurlu və şərəflidir”, – deyə Barro qeyd edib.
Xatırladaq ki, Prezident İlham Əliyev tərəfindən imzalanmış əfv sərəncamı ilə Fransa vətəndaşı Théo Clerc azadlığa buraxılıb.
