NATO Almaniyadan 40 min əsgər istəyib

NATO Almaniyadan ittifaqın müdafiəsi üçün 7 briqada, təxminən 40 min əsgər ayırmağı xahiş edib.

Operativ Media xəbər verir ki, bu barədə Reuters məlumat yayıb .

Məlumatda qeyd olunub ki, bu əsgərlərin sayına olan tələblərin bir hissəsidir.

Bunun gələn həftə NATO-nun müdafiə nazirləri tərəfindən təsdiqlənəcəyi gözlənilir.

Alyans hərbi imkanlarını genişləndirir. Buna səbəb 2022-ci ildə Ukraynada müharibə başlayandan bəri Rusiyanın əsas təhlükə kimi görünməsidir. 

NATO ölkələri gələcəkdə briqadaların ümumi sayını 120-130-a çatdırmaq niyyətindədir. Hazırda isə briqadaların sayı 80-dir.