Nigeriyanın Ogun əyalətində keçirilən Milli İdman Festivalından qayıdan idmançıları daşıyan avtobus Dakstalle bölgəsində körpüdən aşıb.

Operativ Media xəbər verir ki, bu barədə xarici KİV məlumat yayıb.

Qəzada idmançılar və rəsmilər də daxil olmaqla 21 nəfər həyatını itirib, 14 nəfər yaralanıb.

Məlumatda qeyd olunub ki, yaralılar yaxınlıqdakı xəstəxanalarda müalicə olunsalar da, ölənlərin sayı artmaqda davam edir.

Səlahiyyətlilər qəza ilə bağlı araşdırmalara başlanıldığını bildiriblər.