Nigeriyada hərbiçilərin hava hücumu nəticəsində 20 nəfər həlak olub

Nigeriyanın Zamfara əyalətində hərbiçilərin hava hücumu nəticəsində azı 20 mülki şəxs həlak olub.

Operativ Media xəbər verir ki, bu barədə Əl-Cəzirə məlumat yayıb.

Hərbiçilər terrorçuların mülki ərazilərə hücuma hazırlaşdığı barədə məlumat aldıqdan sonra hava hücumuna başlayıb.

Məlumatda qeyd olunub ki, yerli sakinlər bildiriblər ki, hərbi təyyarə səhvən cinayətkarları deyil, onları təqib edən mülki insanları hədəf alıb.

 Nigeriya Müdafiə Nazirliyi hadisə ilə bağlı hələlik şərh verməyib.