Qazaxıstanda göydə qeyri-adi obyektlər müşahidə olunub - YENİLƏNİB - VİDEO

Xəbər verdiyimiz kimi, bir neçə regionun sakinləri göydə sürətlə hərəkət edən bir neçə işıqlı obyekt müşahidə ediblər.

Operativ Media xəbər verir ki, Qazaxıstan Respublikasının Müdafiə Nazirliyi səmadakı naməlum obyektlər barədə bəyanat verib.

“Məlumatın yayılması ilə əlaqədar bildiririk ki, Qazaxıstan ərazisində hava məkanının pozulması faktı qeydə alınmayıb. Vəziyyət müvafiq xidmətlərin nəzarəti altındadır. Əhali üçün heç bir təhlükə yoxdur. Bu hadisə atmosferə daxil olan kosmik aparat qalıqları və ya meteorit axınına bənzəyir. Adətən onlar sıx atmosfer qatlarında yanaraq yer səthinə çatmırlar”, – deyə Müdafiə Nazirliyinin bəyanatında bildirilir.

Müdafiə Nazirliyi vətəndaşlara sakitliyi qorumağı və düzgün olmayan məlumatlar yaymamağı tövsiyə edir. “Səlahiyyətli orqanlar bu hadisəni araşdırır və müvafiq açıqlama verəcək”, – deyə məlumatda vurğulanır.

22:30

Qazaxıstanda bir sıra bölgələrdə, o cümlədən Qaraqanda və Akmola vilayətlərində göydə qəribə və nadir səma obyektləri müşahidə edilib.

Operativ Media xəbər verir ki, bu barədə sosial şəbəkə istifadəçiləri məlumat paylaşıb.

Məsələ ilə bağlı ölkənin Rəqəmsal İnkişaf Nazirliyindən rəsmi açıqlama almaq üçün müraciət edildiyi bildirilir.

Nazirliyin mövqeyi hələ açıqlanmayıb.