Tramp-Zelenski görüşünün detalları açıqlanıb

Ukrayna Prezidenti Volodimir Zelenski amerikalı həmkarı Donald Trampla görüşməyi planlaşdırır.

Operativ Media xəbər verir ki, bu barədə "Bloomberg" yazıb.

Bildirilib ki, Ukrayna Prezident Adminstrasiyasının rəhbəri Andrey Yermakın ABŞ-yə səfəri prezidentlər Donald Tramp və Volodimir Zelenski arasında G7-də keçiriləcək görüşə hazırlıq idi.

PA rəhbəri onu da əlavə edib ki, bu görüş 10 gün sonra Kanadada baş tutacaq.

Görüş "Böyük yeddilik" sammiti çərçivəsində baş tuta bilər.