Qusar rayonunun Atlıxan kəndində yanğın olub.

Bu barədə Operativ Media-ya Fövqəladə Hallar Nazirliyinin Mətbuat xidmətindən məlumat verilib.

Bildirilib ki, ümumi sahəsi 40 m² olan talvarın yanar konstruksiyaları, altında yığılan 7 ton ot bağlaması və yaxınlıqdakı elektrik dirəyi qismən yanıb.

Yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.