Kurskda kilsəyə PUA hücumu edilib

Rusiya Federasiyasının Kursk vilayətinin Rılsk şəhərində yerləşən Uspenski kafedral kilsəsi Ukrayna Silahlı Qüvvələrinin pilotsuz uçuş aparatı (PUA) ilə hücuma məruz qalıb.

Operativ Media xəbər verir ki, bu barədə Rusiya Dövlət Dumasının deputatı Aleksandr Xinşteyn məlumat yayıb.

O bildirib ki, hücum nəticəsində insan tələfatı və xəsarət alan olmayıb.

Hazırda insidentin detalları araşdırılır.