İsrail aviasiyası husilərin (“Ənsar Allah” üsyançı hərəkatı) nəzarətində olan Yəmənin eyniadlı vilayətinin inzibati mərkəzi Hudeydə şəhərinə zərbələr endirib.

Operativ Media xəbər verir ki, bu barədə husilərə məxsus "Al Masirah" telekanalı məlumat yayıb.

Telekanalın məlumatına görə, hücum Hudeydə limanındakı infrastruktur obyektlərini hədəf alıb. Zərbənin nəticələri, o cümlədən mümkün tələfat və qurbanlar barədə hələlik məlumat verilməyib.

Bir gün əvvəl İsrail ordusunun sözçüsü Aviçai Edri, husilərin nəzarətində olan ərazilərdə yerləşən Hudeydə, Ras İsa və Əs-Salif limanlarından insanların təxliyə olunmasına çağırış edib.