Lənkəranda qəzada xəsarət alan 6 nəfərin son vəziyyəti açıqlanıb.
Bu barədə Operativ Media-ya TƏBİB-dən məlumat verilib.
Məlumata görə, qəzada xəsarət alan yaralılardan 4-ü azyaşlıdır.
Bildirilib ki, bu gün saat 14:08 radələrində Lənkəran rayonu Girdəni kəndi ərazisində baş vermiş yol-nəqliyyat hadisəsi nəticəsində 6 nəfər (3-ü kişi, 3-ü qadın olmaqla) bədənin müxtəlif dərəcəli travması diaqnozu ilə Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub.
Məlumada bildirilir: "Hər birinə zəruri ilkin tibbi xidmətlər göstərilib, müalicələri həkim nəzarəti altında davam etdirilir. Vəziyyətləri qənaətbəxş qiymətləndirilir".
Qeyd edək ki, bu gün Lənkəran-Boradigah-Masallı magistralında, Lənkəran rayonunun Girdəni kəndi ərazisində yol qəzası baş verib. "VAZ-2107" markalı nəqliyyat vasitəsi "Mercedes" markalı avtomobillə toqquşub.
