İsrail Müdafiə Qüvvələri (İDF) İranın nüvə proqramına qarşı İslam Respublikası ərazisində həyata keçirilən hərbi əməliyyatın miqyasını genişləndirir.

Operativ Media xəbər verir ki, bu barədə İsrail Baş nazirinin ofisinin müşaviri Dmitri Gendelman məlumat yayıb.

"İDF İranda, Tehranın nüvə proqramına qarşı və İran rejiminin davam edən təcavüzünə cavab olaraq, əməliyyatı genişləndirir. Zərbələr onlarla əsas obyektə, o cümlədən ballistik raket buraxılış sistemlərinə, hərbi bazalara və strateji infrastruktura endirilir", deyə o bildirib.