ABŞ İsrail-İran münaqişəsinə müdaxilə edə bilər

ABŞ İsrail və İran arasında davam edən münaqişəyə müdaxilə edə bilər.

Operativ Media xəbər verir ki, bu barədə ABŞ Prezidenti Donald Tramp “ABC News”a müsahibəsində bildirib.

"Bu mümkündür. Biz də cəlb oluna bilərik", - siyasətçi deyib.

Bununla belə, o, hazırda ABŞ-nin rəsmi olaraq döyüş əməliyyatlarında iştirak etmədiyini nəzərə çatdırıb.

Tramp həmçinin Rusiya Prezidenti Vladimir Putinin vasitəçilik ideyasına müsbət yanaşdığını söyləyib.

"O hazırdır. O, bununla bağlı mənə zəng etmişdi. Biz uzun müddət danışdıq", - ABŞ lideri qeyd edib.