Türkiyə və Rusiya müdafiə nazirləri İran-İsrail gərginliyini müzakirə ediblər

Türkiyənin Milli Müdafiə naziri Yaşar Gülər və Rusiya Federasiyasının müdafiə naziri Andrey Belousov telefon danışığı aparıblar.

Operativ Media xəbər verir ki, görüş zamanı əsas müzakirə mövzularından biri İran və İsrail arasında davam edən gərginlik olub.

Tərəflər, həmçinin ikitərəfli hərbi əməkdaşlıq, bölgədəki müdafiə və təhlükəsizlik məsələləri ətrafında fikir mübadiləsi aparıblar.

Tərəflərin bölgədə sabitliyin və təhlükəsizliyin təmin olunmasına dair mövqelərini bölüşdükləri qeyd edilir.