ABŞ Prezidenti Donald Tramp ölkənin İrana qarşı hərbi hücum planlarına yaşıl işıq yandırıb.

Operativ Media-nın məlumatına görə, "Wall Street Journal"ı danışıqlardan məlumatlı mənbələrə istinadən xəbər verir.

Mənbələrin bildirdiyinə görə, Tramp çərşənbə axşamı gecə saatlarında keçirilən məxfi iclasda ABŞ-nin İranla bağlı hərbi planlarını qeyri-rəsmi şəkildə təsdiqləyib. Lakin o, Tehranın nüvə proqramından imtina edib-etməyəcəyini görmək məqsədilə yekun əmrin verilməsini təxirə salıb.

Həmin mənbələr qeyd ediblər ki, İranın yerin altında yerləşən Fordo uran zənginləşdirmə müəssisəsi ABŞ-nin mümkün hücum zamanı ilk hədəflərindən biri ola bilər.