Rusiya və Ukrayna arasında növbəti əsir mübadiləsi baş tutub

Rusiya və Ukrayna İstanbulda əldə olunan razılaşma çərçivəsində növbəti əsir mübadiləsini həyata keçirib.

Operativ Media xəbər verir ki, bu barədə Ukrayna prezidenti Vladimir Zelenski sosial media hesabında paylaşım edib.

Zelenski qeyd edib: "Xalqımız Rusiya əsarətindən evə qayıdır. Bu mübadiləsini mümkün edən hər kəsə təşəkkür edirəm".

Rusiya Müdafiə Nazirliyi də mübadilə faktını təsdiqləyib.

Hər iki tərəf neçə əsgərin azad edildiyi barədə ətraflı məlumat verməyib.