WSJ: Yüksək xərclər İsrailin İranla uzun sürən münaqişənin qarşısını ala bilər

İranla münaqişə İsrailə gündə yüz milyonlarla dollara başa gəlir ki, bu da yəhudi dövlətinin uzunmüddətli hərbi əməliyyatlar aparmaq imkanlarını əhəmiyyətli dərəcədə məhdudlaşdıra bilər.

Operativ Media xəbər verir ki, “The Wall Street Journal” (WSJ) bu nəticəyə gəlib.

Onun sözlərinə görə, İsrailin hava hücumundan müdafiəsinə gündə 200 milyon dollara qədər pul xərclənir. Həm zərbə vurmaq, həm də raketləri dəf etmək üçün istifadə edilən döyüş sursatları və təyyarələr də döyüş xərclərini xeyli artırır.

WSJ qeyd etdiyi kimi, artan xərclər İsraili münaqişəni dayandırmağa sövq edə bilər, çünki təkcə zədələnmiş binaların bərpası ən azı 400 milyon dollara başa gələ bilər.