İsrailin son 24 saat ərzində endirdiyi zərbələr nəticəsində Qəzzada 67 nəfər ölüb

İsrailin Qəzza zolağına endirdiyi zərbələr nəticəsində son 24 saat ərzində azı 67 nəfər həlak olub.

Operativ Media xəbər verir ki, bu barədə Fələstin anklavının Səhiyyə Nazirliyi məlumat yayıb.

"Son 24 saat ərzində Qəzza zolağındakı xəstəxanalara dağıntılar altından çıxarılan, daha əvvəl həlak olmuş iki nəfərin cəsədi də daxil olmaqla, ümumilikdə 69 nəfərin meyiti təhvil verilib. Eyni zamanda, 221 yaralı xəstəxanalara çatdırılıb", – deyə Səhiyyə Nazirliyi bildirib.

Nazirlik əlavə edib ki, dağıntılar altında və küçələrdə çoxlu sayda yaralı və meyit qalıb, lakin onlara təcili tibbi yardım və mülki müdafiə xidmətləri çata bilmir.