İran hücumu uzunmüddətli hazırlıq və yanıltma taktikaları ilə planlaşdırılıb.

Operativ Media xəbər verir ki, ABŞ-nin müdafiə naziri Pit Heqset İran İslam Respublikasına qarşı həyata keçirilən hərbi əməliyyatla bağlı açıqlama verib.

Nazir bildirib ki, hücum planı aylarla və həftələrlə davam edən hərbi yerləşdirmə, hazırlıq prosesi və strateji planlamanın nəticəsidir.

Onun sözlərinə görə, əməliyyat zamanı düşməni çaşdırmaq məqsədilə yanıltma taktikalarından da istifadə olunub.

Heqset qeyd edib ki, bu hazırlıqlar əməliyyatın maksimum dəqiqliklə və sürətlə həyata keçirilməsi üçün vacib olub.

Nazir əlavə edib ki, İran əleyhinə həyata keçirilən hərbi əməliyyatların məqsədi rejimi dəyişdirmək deyil.

O, əməliyyatın əsas məqsədinin bölgədə təhlükəsizliyi təmin etmək və nüvə proqramının qarşısını almaq olduğunu vurğulayıb.