Rusiya-Ukrayna danışıqlarının üçüncü raundunun tarixləri bu həftə bəlli olacaq

Rusiya-Ukrayna danışıqlarının yeni - üçüncü raundunun təxmini tarixləri bu həftə müəyyən edilməlidir.

Operativ Media xəbər verir ki, bunu Rusiya prezidentinin mətbuat katibi Dmitri Peskov jurnalistlərə açıqlamasında deyib.

“Biz gözləyirik ki, bu həftə üçüncü raundla bağlı bəzi hesablamalar aparılacaq. Dəqiq vaxt demək çətindir”, o, bildirib.

Qeyd edək ki, iyunun 2-də Rusiya və Ukrayna arasında danışıqların ikinci raundu keçirilib. Görüşün yekunlarına əsasən tərəflər ağır yaralı hərbi əsirlərin və həlak olanların cəsədlərinin mübadiləsinə dair razılığa gəliblər.

Rusiya 6 minə yaxın həlak olan hərbçinin cəsədini Kiyevə təhvil verib.