İsrail Müdafiə Qüvvələrinin (IDF) 7 əsgəri Qəzza zolağında Fələstinin HƏMAS radikal qruplaşmasının bölmələrinə qarşı döyüş əməliyyatları zamanı həlak olub.
Operativ Media xəbər verir ki, Qəzza zolağının cənubundakı Xan Yunis şəhərində zirehli transportyorda baş verən partlayış nəticəsində 7 əsgər həlak olub, bir əsgər isə ağır yaralanıb. Onların hamısı Barak Briqadasının 605-ci Mühəndis Döyüş Batalyonunda xidmət edirdilər. Bu məlumatı nəzərə alsaq, Yaxın Şərqdəki münaqişənin son raundunda həlak olan İsrail əsgərlərinin sayı 878-ə çatıb.
