Rusiya Prezidenti Vladimir Putin ölkəsinin Ukrayna ilə yeni bir sülh danışıqları mərhələsinə hazır olduğunu bildirib.
Operativ Media xəbər verir ki, Putin danışıqların İstanbulda keçirilə biləcəyini, lakin tarix məsələsinin hələlik dəqiqləşmədiyini qeyd edib.
O, əvvəlki görüşlərdə tərəflərin irəli sürdüyü təkliflər arasında ciddi fərqliliklərin olduğunu vurğulayıb.
Lakin dialoqun davam etdirilməsi ilə bu fərqlərin zamanla aradan qalxacağına ümid etdiyini söyləyib.
Belarusun paytaxtı Minskdə çıxış edən Putin, hər iki tərəfin danışıqlar heyətlərinin daimi təmasda olduğunu bildirib.
O, həmçinin Rusiyanın daha 3 min ukraynalı hərbçinin nəşini təhvil verməyə hazır olduğunu açıqlayıb.
