Macarıstan Ukraynanın Avropa İttifaqına üzvlüyünə yenidən veto qoyub

NATO Zirvə Toplantısından sonra Brüsseldə keçirilən Avropa Birliyi Liderlər Zirvə Toplantısında da Ukraynanın Aİ-yə üzvlük prosesi gündəmə gəlib.

Operativ Media xəbər verir ki, bu barədə CNN məlumat yayıb.

Macarıstanın baş naziri Viktor Orban Ukraynanın üzvlük danışıqlarına başlamasına veto qoyduğunu təkrarlayıb.

Zirvədə çıxış edən Orban ölkəsinin bu mövzuda mövqeyinin aydın olduğunu bildirib:

"Mən güclü mandatla gəlmişəm. İndi səsim daha yüksək və aydındır. Biz Ukraynanın Aİ-yə üzvlüyünü dəstəkləmirik. Bu gün danışıqlarda mən iki milyondan çox macarın adından çıxış edəcəyəm və bu üzvlüyə qarşı olduğumuzu bildirəcəyəm".