Ermənistanın xarici işlər naziri Ararat Mirzoyan Kanadanın xarici işlər naziri Anita Anandla telefon danışığı aparıb.
Operativ Media xəbər verir ki, bu barədə Ermənistan Xarici İşlər Nazirliyi məlumat yayıb.
Tərəflər ikitərəfli əməkdaşlığın müxtəlif sahələrdə inkişafı məsələlərini müzakirə ediblər.
Mirzoyan Kanadanın Ermənistanda demokratiyaya, siyasi müstəqilliyə və iqtisadi inkişafa verdiyi dəstəyi yüksək qiymətləndirib.
Danışıq zamanı regional məsələlər, Ermənistan-Azərbaycan münasibətlərinin normallaşması prosesi və sülh sazişinin əhəmiyyəti də müzakirə olunub.
Mirzoyan “Sülh çarpaz yolları” ideyası çərçivəsində regional kommunikasiyaların açılması məsələsinə də toxunub.
Nazirlər, həmçinin, İranda yaranmış vəziyyət fonunda Kanada və digər üçüncü ölkə vətəndaşlarının Ermənistan üzərindən təxliyəsinə göstərilən humanitar dəstəyi də müzakirə ediblər.
