İsrail ilə HƏMAS arasındakı danışıqların ilk raundu nəticəsiz başa çatıb

İsrail ilə HƏMAS hərəkatı arasında Qəzza zolağında atəşkəsin əldə olunması ilə bağlı dolayı danışıqların ilk raundu nəticəsiz başa çatıb.

Operativ Media-nın məlumatına görə, bu barədə "Sky News Arabia" telekanalı məsləhətləşmələrin gedişatı ilə tanış olan fələstinli rəsmilərə istinadən xəbər verib.

İsrail və HƏMAS nümayəndələrinin iştirakı ilə danışıqlar iyunun 6-da axşam saatlarında Qətərin paytaxtı Dohada başlayıb.