Netanyahu Trampın Nobel Sülh Mükafatına namizədliyini açıqlayıb

İsrailin Baş naziri Benyamin Netanyahu ABŞ Prezidenti Donald Trampın Nobel Sülh Mükafatına namizədliyini irəli sürdüyünü açıqlayıb.

Operativ Media xəbər verir ki, o, bunu Ağ Evde ABŞ lideri ilə görüşü zamanı deyib.

“Mən sizə Nobel Komitəsinə göndərdiyim məktubu təqdim etmək istəyirəm. Həmin məktubda sizi Sülh Mükafatına namizəd göstərmişəm. Siz buna layiqsiniz və bu mükafatı almalı­sınız”, – deyə o qeyd edib.

Netanyahu əlavə edib ki, Trampın “dünyada, xüsusilə də Yaxın Şərqdə sülh və təhlükəsizliyə nail olmaq səylərini” yüksək qiymətləndirir.