Türkiyə İstanbulda danışıqların üçüncü raundunun vaxtı ilə bağlı Ukraynanın cavabını gözləyir

Türkiyə İstanbulda Ukrayna ilə bağlı üçüncü raund danışıqlarının vaxtı ilə bağlı Ukrayna tərəfindən cavab gözləyir.

Operativ Media xəbər verir ki, bunu Türkiyənin xarici işlər naziri Hakan Fidan deyib.

O, Braziliyada keçirilən BRİKS sammitində iştirakından sonra "TRT Haber" telekanalına açıqlamasında bildirib:

“Rusiya danışıqların üçüncü raunduna hazır olduğunu bəyan edib. Hazırda biz Ukrayna tərəfdən cavab gözləyirik”.

Nazirin sözlərinə görə, Türkiyə Ukraynadakı vəziyyətin nizamlanması istiqamətində liderlərin görüşünə ev sahibliyi etməyə hazırdır.

“Türkiyədə liderlərin görüşünün təşkili ilə bağlı heç bir problem yoxdur”, – o qeyd edib.

Hakan Fidan hesab edir ki, İstanbulda Ukrayna üzrə keçirilmiş birbaşa danışıqların ilk iki raundu uğurlu olub. “

Danışıqların əvvəlki iki raundu əsirlərin və həlak olanların cəsədlərinin rekord səviyyədə mübadiləsinə şərait yaratdı”, – deyə nazir vurğulayıb. O əlavə edib ki, tərəflər danışıqların humanitar aspektindən razıdırlar.

“Hazırda əsas məsələ daimi və ya müvəqqəti atəşkəsin necə təmin olunması ilə bağlıdır. Bu, liderlərin iştirakı ilə keçiriləcək sammitdə baş verəcək, yoxsa danışıqlar prosesindəmi həyata keçiriləcək? Bu məsələyə dair müzakirələr davam edir. Tərəflərin bu istiqamətdə müxtəlif ideyaları mövcuddur”, – Türkiyənin xarici siyasət idarəsinin rəhbəri bildirib.