ABŞ Husilərin Qırmızı dənizdə yük daşıyıcılarına hücumlarını pisləyir

ABŞ, Yəmən husilərinin Qırmızı dənizdə "Magic Seas" və "Eternity C" quru yük gəmilərinə hücumlarını qətiyyətlə pisləyib.

Operativ Media xəbər verir ki, bu barədə ABŞ Dövlət Departamentinin Mətbuat Xidmətinin yaydığı məlumatda bildirilir.

ABŞ administrasiyasının mövqeyinə görə, yükdaşıyan gəmilərə edilən hücumlar “İran tərəfindən dəstəklənən husilərin naviqasiya azadlığına, regional iqtisadiyyatlara və dəniz təhlükəsizliyinə davam edən təhlükəsini nümayiş etdirir”. Bəyanatda qeyd olunur ki, ABŞ ticarət gəmilərini qorumaq üçün zəruri tədbirləri görməkdə davam edəcək.