Aİ-nin Rusiyaya qarşı yeni sanksiyalar paketinə nələr daxildir?

Aİ səfirləri iki aylıq müzakirələrdən sonra Rusiyaya qarşı 18-ci sanksiyalar paketi ilə bağlı razılığa gəliblər.

Operativ Media xəbər verir ki, yeni  məhdudiyyətlər paketinin məzmununa dair əsas məqamlar bəlli olub.

Avropa İttifaqının 18-ci sanksiyalar paketi 50-dən çox fiziki şəxs, şirkət və təşkilata təsir göstərəcək. Sanksiyalar paketinə aşağıdakılar daxildir:

Rusiya neftinin qiymət tavanının bir barel üçün təxminən 47,6 dollara endirilməsi;

“Şimal axını” layihəsinə qarşı sanksiyalar;

Rusiya neftindən istehsal olunan məhsulların Aİ-yə idxalına qadağa;

Rusiya neftini daşıdığı iddia edilən daha 105 tankerlə bağlı sanksiyalar;

“Rosneft” şirkətinin Hindistandakı neft emalı zavoduna qarşı məhdudiyyətlər;

Rusiyaya dəstək verdiyi iddia edilən bir neçə Çin bankına qarşı sanksiyalar;

22 Rusiya bankına məhdudiyyətlər, o cümlədən onların SWIFT sistemindən ayrılması və əməliyyatlara tam qadağa;

İkili təyinatlı avadanlıqlara, xüsusən də hərbi sənayedə istifadə oluna bilən dəzgahlara məhdudiyyətlər.