Peskov: Əgər rəsmi Bakı Moskvaya qarşı iddia qaldırsa, bu, Azərbaycanın haqqıdır

Azərbaycan Aktau yaxınlığında baş verən təyyarə qəzasından sonra Rusiyaya qarşı beynəlxalq məhkəmələrdə iddia qaldırsa, Moskva rəsmi hökmləri gözləyəcək.

Operativ Media xəbər verir ki, bu barədə Rusiya prezidentinin mətbuat katibi Dmitri Peskov brifinqdə bildirib.

Söhbət Aktau yaxınlığında təyyarə qəzasından sonra yarana biləcək məhkəmə iddiasından gedir.

"İstintaq davam edir. Əgər rəsmi Bakı belə bir qərar verərsə, bu, Azərbaycanın haqqıdır, rəsmi hökmləri gözləyəcəyik", - Peskov bildirib.