Tehran Avropa ölkələrinin BMT Təhlükəsizlik Şurasının İrana qarşı sanksiyalarının bərpasını nəzərdə tutan "snapback" mexanizmini işə salmaq cəhdlərini İslam Respublikası ilə münaqişəyə girmək kimi qiymətləndirəcək.
Operativ Media xəbər verir ki, bunu İran parlamentinin deputatı Abbas Moğtadai bildirib.
Onun sözlərinə görə, Aİ ölkələri İrana təzyiq göstərməyə çalışsalar, Tehran geniş əks tədbirlərlə cavab verəcək:
"Biz avropalılara İranla münasibətlərinin gələcəyi haqqında diqqətlə düşünməyi tövsiyə edirik. Avropa ölkələrinin snapback mexanizmindən istifadə etmək istəyi hərbi hücuma bərabərdir".
O əlavə edib ki, Rusiya və Çin BMT Təhlükəsizlik Şurasının İrana qarşı sanksiyalarının bərpasının əleyhinədir.
Gözəl Azadəliyeva
