Hindistan "MiQ-21" qırıcılarını hava qüvvələrinin tərkibindən çıxarır

Hindistan səsdən sürətli "MiQ-21" döyüş təyyarələrini 60 ildən çox istifadə etdikdən sonra sentyabr ayında ölkənin hava qüvvələrinin tərkibindən çıxaracaq.

Operativ Media bu barədə “The Economic Times”a istiandən xəbər verir.

Məlumata görə, bu təyyarələrlə təntənəli vida mərasimi sentyabrın 19-da Çandiqarh aviabazasında baş tutacaq. Tədbir çərçivəsində aviaşouların və sərgilərin təşkili planlaşdırılır.

Qeyd edək ki, ölkənin Hərbi Hava Qüvvələrinin 93 illik tarixinin düz üçdə ikisi bu təyyarə ilə ayrılmaz şəkildə bağlıdır. Bu qırıcılar 1965-ci ildən "Sindoor" əməliyyatına qədər hər bir döyüş əməliyyatında iştirak edib.

Əlavə edək ki, Hindistan dünyada ən populyar sayılan "MiQ-21" döyüş təyyarəsini hələ də idarə edən azsaylı ölkələrdən biridir.

Gözəl Azadəliyeva