Amerika Birləşmiş Ştatlarının Prezidenti Donald Tramp İyulun 28-də Ağ Evdə ukraynalı həmkarı Volodimir Zelenski və İsrailin Baş naziri Binyamin Netanyahu ilə görüşlər keçirib.

​Operativ Media xəbər verir ki, bu barədə ABŞ lideri özünə məxsus "Truth Social" sosial şəbəkəsində paylaşım edib.

​D.Tramp V.Zelenski ilə danışıqlara toxunaraq bir çox məsələlərin müzakirə olunduğunu və görüşün çox yaxşı keçdiyini bildirib, lakin təfərrüatları açıqlamayıb. B.Netanyahu ilə görüşü barədə isə ABŞ Prezidenti vacib mövzuların nəzərdən keçirildiyini qeyd edib.

​Öz növbəsində, Ağ Evin mətbuat katibi Kerolayn Livitt hər iki görüşün müsbət və məhsuldar mühitdə baş tutduğunu vurğulayıb.