Bakıda güləş üzrə U-17 dünya çempionatı start götürüb.

Operativ Media xəbər verir ki, Azərbaycanın yunan-Roma güləşçisi Orxan Həbibli 55 kq çəki dərəcəsində 1/8 final görüşünə çıxıb. O, rumıniyalı Qabriel Lunquya tam üstünlüklə qalib gələrək (18:9) 1/4 finala yüksəlib.

Qeyd edək ki, yarış Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.