Neft koksunun istehsalında artım qeydə alınıb

Bu ilin yanvar-iyul aylarında 127,5 min ton neft koksu istehsal edilib ki, bu da ötən ilin eyni dövrünün göstəricisi ilə müqayisədə 5,8 faiz və ya 7 min ton çoxdur.

Dövlət Statistika Komitəsindən Operativ Media-ya verilən məlumata əsasən, cari ilin iyun ayı ilə müqayisədə isə iyulda istehsal həcmində 7,8 faiz və ya 1,6 min ton artım qeydə alınıb. İyul ayında 22,2 min ton neft koksu istehsal edilib.

Avqust ayının 1-nə hazır məhsul ehtiyatı 38,9 min ton təşkil edib.