Azərbaycan XİN Bakının azad olunmasının ildönümü ilə bağlı paylaşım edib

Azərbaycan Xarici İşlər Nazirliyi (XİN) Bakının azad olunmasının 107-ci ildönümü ilə bağlı paylaşım edib.

Operativ Media xəbər verir ki, XİN-nin  "X" hesabında edilən paylaşımda deyilir:

"1918-ci ilin bu günü Qafqaz İslam Ordusu Azərbaycan korpusu ilə birlikdə Bakıya daxil olaraq erməni-daşnak işğalına son qoydu.

Paytaxtın azad olunması Azərbaycan dövlətçiliyi uğrunda mübarizədə dönüş nöqtəsi oldu və xalqımızın, həmçinin müttəfiqlərimizin birliyini, cəsarətini və fədakarlığını nümayiş etdirdi.

107 il sonra biz Vətənimizin azadlığı və müstəqilliyi uğrunda canlarını qurban verənlərin xatirəsini dərin minnətdarlıqla anırıq".