Qırğızıstan və Türkiyə ticarət dövriyyəsini 5 milyard dollara çatdırmağı hədəfləyir

Qırğızıstan və Türkiyənin əsas məqsədi yaxın illərdə ticarət dövriyyəsini 5 milyard dollara çatdırmaqdır.

Operativ Media xəbər verir ki, bunu Qırğızıstan Nazirlər Kabinetinin sədri Adılbek Kasıməliyev Qırğızıstan-Türkiyə Ticarət-İqtisadi Əməkdaşlıq üzrə Hökumətlərarası Komissiyasının 12-ci iclasında deyib.

O qeyd edib ki, tərəflər bu məqsədə çatmaq üçün bütün səyləri əsirgəməyəcəklər

Görüşdə ticarət, investisiya, enerji, sənaye və innovasiya kimi sahələrdə əməkdaşlıq müzakirə olunub. Əvvəllər əldə edilmiş razılaşmaların həyata keçirilməsinə xüsusi diqqət yetirilib.

Bundan əlavə, komissiya iki ölkənin sahibkarları arasında əlaqələrin möhkəmləndirilməsinə yönəlmiş biznes forum keçirib.