“ACWA Power” ilə 400 milyon dollarlıq dəniz suyu duzsuzlaşdırılması layihəsi üzrə sənədlər imzalandı

"Birinci Azərbaycan Beynəlxalq İnvestisiya Forumu çərçivəsində Azərbaycan Respublikası Baş nazirinin müavini Samir Şərifovun iştirakı ilə "ACWA Power" şirkəti ilə dəniz suyunun duzsuzlaşdırılması zavodunun tikintisinə dair 400 milyon ABŞ dollarından çox birbaşa xarici investisiya-nın cəlbini nəzərdə tutan sənədlərin imzalanması mərasimində iştirak etdik".

Operativ Media xəbər verir ki, bunu iqtisadiyyat naziri Mikayıl Cabbarov "X"də etdiyi paylaşımda bildirib.

"Layihə ölkəmizdə su ehtiyatlarının səmərəli idarə olunması ilə bağlı müasir və effektiv həllərin istifadəsinə imkan yaradacaq, texnologiya transferinə və dövlət-özəl tərəfdaşlığının inkişafına töhfə verəcək", - nazir qeyd edib.