Azərbaycan və Türkiyə Mərkəzi Banklarının sədrləri görüşüb

"İstanbul şəhərində keçirilən İslam Əməkdaşlıq Təşkilatı - İqtisadi və Ticarət Əməkdaşlığı Daimi Komitəsi (OIC-COMCEC) Mərkəzi Banklarının 7-ci Forumunda iştirak zamanı Türkiyə Mərkəzi Bankının sədri cənab Fatih Karahanla görüşməkdən məmnunluq duyduq".

Operativ Media xəbər verir ki, bunu AMB sədri Taleh Kazımov öz "X" hesabında etdiyi paylaşımda bildirib.

O bildirib ki, görüş zamanı qlobal və regional iqtisadi trendlər, maliyyə sabitliyi, həmçinin pul-kredit siyasəti barədə geniş fikir mübadiləsi aparılıb:

"Qardaş ölkələrimiz arasında mövcud sosial-iqtisadi əlaqələrin səviyyəsindən məmnunluğumuzu ifadə etdik. Eyni zamanda, qurumlarımız arasında qarşılıqlı maraq doğuran sahələrdə əməkdaşlığın dərinləşdirilməsinin vacibliyini bir daha vurğuladıq".