Məktəblilərimiz “Stars of Informatics” müsabiqəsində 4 medal qazanıblar

Məktəblilərimiz Rumıniya tərəfindən keçirilən “Stars of Informatics” virtual müsabiqəsində uğurla çıxış ediblər.

Təhsil İnstitutundan Operativ Media-ya bildirilib ki, 10 ölkədən 120 iştirakçının qatıldığı müsabiqədə şagirdlərimiz 4 bürünc medal və 1 həvəsləndirici mükafat qazanıblar. Türkiyə Dəyanət Vəqfi liseyinin 10-cu sinif şagirdləri Atilla Mustafa və Ömər Əliməmmədzadə, akademik Z. Əliyeva adına liseyin 10-cu sinif şagirdi Fateh Əhmədzadə, fizika, riyaziyyat və informatika təmayüllü liseyin 10-cu sinif şagirdi Əkbər Əhmədov bürünc medal, həmin liseyin 10-cu sinif şagirdi Elay Verdiyev isə həvəsləndirici mükafata layiq görülüb.

İnformatika fənni üzrə beynəlxalq olimpiadalara hazırlıq prosesi “Azercell Telecom” şirkətinin dəstəyi ilə həyata keçirilir.

Azərbaycan Texniki Universitetinin rəhbərliyi şagirdlərin müsabiqədə iştirak etməsi üçün şərait yaradıb.