Türkiyə xarici işlər nazirinin müavini Berris Ekinci Bakıda Azərbaycan Dövlət Neft Şirkəti (SOCAR), British Petroleum (BP) və Total Energies şirkətlərinin nümayəndələri ilə bir sıra görüşlər keçirib.
Operativ Media xəbər verir ki, bu barədə Türkiyə XİN-nin "X" hesabında paylaşım edilib.
Görüşlər zamanı Azərbaycan və Türkiyə arasında enerji sahəsində ikitərəfli əməkdaşlıq, həmçinin regional enerji və nəqliyyat əlaqəliliyi məsələləri müzakirə olunub.
Tərəflər enerji təhlükəsizliyi, qarşılıqlı sərmayə imkanları və gələcək əməkdaşlıq istiqamətləri barədə fikir mübadiləsi aparıblar.
Şəkil Qalereyası
