2026-cı ilin yanvar ayının sonuna qədər Azərbaycan və Gürcüstan ərazisindən keçməklə Ermənistana Rusiyadan 132 vaqon buğda gətiriləcək.

Operativ Media xəbər verir ki, bu barədə Rusiya Nəqliyyat Nazirliyinin “Telegram” kanalında məlumat verilib.

Bildirilir ki, buğdadan əlavə, digər yük kateqoriyalarının tədarükü də müzakirə olunur.

Xatırladaq ki, gecə saatlarında buğda ilə yüklənmiş rus qatarı (15 vaqon) Azərbaycan və Gürcüstan ərazisindən keçərək Ermənistana çatıb.