Bakı və Abşeronda oğurluq edən şəxslər saxlanılıblar

Paytaxtın Xətai rayonu ərazisində yerləşən mağazaların birindən 3150 manat oğurlanıb. Xətai RPİ 35-ci Polis Şöbəsi əməkdaşlarının həyata keçirdikləri tədbirlərlə əməli törətməkdə şübhəli bilinən Z.Məmmədli və T.Cəfərli saxlanılıb.

Operativ Media xəbər verir ki, bu barədə DİN məlumat yayıb.

Nizami rayonunda isə gecə saatlarında bir nəfərə məxsus moped və Xırdalan şəhərində marketlərin birindən oğurluq etməkdə şübhəli bilinən F.Hüseynli, Ö.Əhmədov, eləcə də R.Kərimov da polis əməkdaşları tərəfindən saxlanılıb.

Araşdırmalar aparılır.