Filip Koutinyo Braziliya klubundan ayrılıb

Braziliyalı yarımmüdafiəçi Filip Koutinyo "Vasco da Gama" klubu ilə yollarını ayırıb.

Operativ Media xəbər verir ki, bu haqda insayder Fabrizio Romano məlumat yayıb.

33 yaşlı futbolçu psixoloji problemlər yaşadığı üçün müqaviləsinə xitam verilməsini istəyib və tərəflər arasında qarşılıqlı razılıq əldə olunub. Bununla da Koutinyo azad agent statusu qazanıb.

Təcrübəli oyunçu karyerasında yeni mərhələyə başlamağa hazırlaşır və hər hansı transfer haqqı olmadan istənilən klubla müqavilə imzalaya bilər.