Azərbaycan UEFA reytinqində gerilədi

UEFA Çempionlar Liqası, Avropa Liqası və Konfrans Liqasının pley-off mərhələsinin ilk qarşılaşmalarından sonra Azərbaycanın UEFA əmsal cədvəlində mövqeyi zəifləyib.

Operativ Media xəbər verir ki, son nəticələrə əsasən, ölkəmiz bir pillə geriləyərək 27-ci sıraya enib. Buna səbəb isə “Qarabağ”ın Bakıda İngiltərə təmsilçisi “Nyukasl”a 1:6 hesabı ilə uduzması olub.

Hazırda Azərbaycanın hesabında 22.937 əmsal xalı var. 28-ci yerdə qərarlaşan Rusiya isə 22.632 xalla siyahıda növbəti pillədədir və fərq kifayət qədər azdır.

UEFA reytinqinə isə 112.352 xalla İngiltərə başçılıq edir.