Azərbaycanın iki boksçusu beynəlxalq turnirdə mərhələ adladı

Azərbaycanın iki boksçusu Bolqarıstanın paytaxtı Sofiyada keçirilən "Stranca" beynəlxalq turnirinə qələbə ilə başlayıb.

Bu barədə Operativ Media-ya Azərbaycan Boks Federasiyasından məlumat verilib.

Bilalhəbaşi Nəzərov (50 kq) 1/8 finalda Luis Runini (İrlandiya) sınağa çəkib. Döyüş boksçumuzun qələbəsi ilə yekunlaşıb – 4:1 (30:27, 30:27, 28:29, 29:28, 30:27). O, növbəti görüşünü fevralın 27-də Rudolf Qarboyana (Ermənistan) qarşı keçirəcək.

Məhəmmədəli Aşırəliyev (60 kq) də turnirə qələbə ilə başlayıb. O, 1/16 finalda Mişel Baldassini (İtaliya) 3:2 (30:27, 29:28, 28:29, 30:27, 28:29) hesabı ilə məğlub edib. Azərbaycan çempionu növbəti qarşılaşmasında Yazal Hussam Seyfellə (Misir) üz-üzə gələcək. Döyüş fevralın 25-də keçiriləcək.

Qeyd edək ki, yarışa martın 1-də yekun vurulacaq.