Fransa millisinin hücumçusu MLS-də çıxış edə bilər
"Atletiko Madrid"in hücumçusu Antuan Qrizmann MLS təmsilçisi "Orlando Siti" ilə danışıqlar aparır.
Operativ Media xəbər verir ki, bu haqda "The Athletic" məlumat yayıb.
Mənbələrin məlumatına görə, tərəflər arasında müzakirələr inkişaf mərhələsindədir. Orlando klubunun idman direktoru Rikardo Moreyra müqavilə şərtlərini müzakirə etmək üçün bir neçə dəfə İspaniyaya səfər edib.
Orlando tərəfi 26 martda MLS-də transfer pəncərəsi bağlanmazdan əvvəl hücumçunun keçidini rəsmiləşdirməyə ümid edir. Transfer baş tutacağı təqdirdə, Qrizmann azad agent statusu ilə komandaya qoşula bilər.
Bununla belə, futbolçu Avropada yay transfer pəncərəsi açılmadan əvvəl “Atletiko”dan ayrılmağı planlaşdırmır. Onun Madrid təmsilçisi ilə müqaviləsi 2027-ci ilin iyun ayınadək qüvvədədir. Hazırda klublar arasında rəsmi danışıqlar aparılmır.
