"Fənərbaxça"da zədə krizi: 4 əsas futbolçu meydanlardan uzaq qalacaq

Türkiyənin “Fənərbaxça” klubunun heyətində ciddi zədə problemləri yaranıb.

Operativ Media klubun mətbuat xidmətinə istinadən xəbər verir ki, qapıçı Ederson, müdafiəçilər Çağlar Söyüncü, Cayden Oostervolde və yarımmüdafiəçi Anderson Talişka sıradan çıxıb.

Məlumatda bildirilir ki, Çağlar Söyüncü, Anderson Talişka və Ederson əzələ zədəsi səbəbindən, Cayden Oostervolde isə qasıq nahiyəsindən zədələnib. Hər dörd futbolçunun bir neçə həftə meydanlardan uzaq qalacağı gözlənilir.

Bundan əlavə, “Fənərbaxça”nın müdafiəçisi Milan Şkrinyar və yarımmüdafiəçisi Edson Alvares də zədəlidir. Bu, İstanbul klubunun son dövrdə heyətində yaşadığı zədə böhranını daha da dərinləşdirib.

Klub rəhbərliyi və baş məşqçi heyəti, yaxın günlərdə zədəlilərin bərpası və heyətin formalaşdırılması üçün strategiyalar üzərində çalışır. Mütəxəssislər, komandanın mövsümün qalan hissəsində rəqabətə davamlı olmasının əsasını sağlam oyunçuların dövründə olmasına bağlayır.