"Arsenal"ın standart vəziyyət gücü: Premyer Liqa tarixində yeni rekord
İngiltərə Premyer Liqasının 28-ci turunda "Arsenal" öz meydanında "Çelsi"ni 2:1 hesabı ilə məğlub edib. "Topçular" hər iki qolu künc zərbəsindən sonra rəqib qapısından keçiriblər.
Operativ Media "Opta"ya istinadən xəbər verir ki, London təmsilçisi 2025/26 mövsümündə artıq doqquzuncu dəfədir ki, Premyer Liqa matçında künc zərbəsindən sonra qələbə qoluna imza atır. Bu, turnir tarixində bir mövsüm ərzində bir komanda tərəfindən qeydə alınan mütləq rekorddur. Əvvəlki rekord 2012/13 mövsümündə səkkiz qol ilə "Mançester Yunayted"ə məxsus idi.
Bundan əlavə, "Arsenal" bir mövsümdə künc zərbələrindən vurulan ümumi qolların sayına görə də Premyer Liqa rekordunu (16 qol) təkrarlayıb. Daha əvvəl bu göstəriciyə 1992/93 mövsümündə "Oldhem", 2016/17 mövsümündə "Vest Bromviç Albion" və 2023/24 mövsümündə "Arsenal"ın özü nail olmuşdu.
