Xəbər verdiyimiz kimi, sabahdan etibarən Azərbaycanda 11 günlük bayram tətili başlayır.

Operativ Media xəbər verir ki, Nazirlər Kabinetinin qərarına əsasən, 2026-cı ildə martın 20, 21, 22, 23 və 24-ü Novruz bayramıdır.

Martın 20-si və 21-i isə Ramazan bayramına təsadüf edir.

Əmək Məcəlləsinin 108-ci maddəsinə əsasən, bayram günləri və ümumxalq hüzn günü qabağı iş gününün müddəti həftəlik iş günlərinin sayından asılı olmayaraq bir saat qısaldılır.

Beləliklə, bu gün (19 mart) Azərbaycanda qısa iş günü olacaq.

Qeyd edək ki, Novruz və Ramazan bayramları ilə əlaqədar qeyri-iş günləri: 20, 21, 22, 23, 24, 25, 26, 27, 28, 29 və 30 mart tarixləridir.